EKHOFWA NENDE ESIWULUKHU
EKHOFWA NENDE ESIWULUKHU Khale khale weene, mu’lukoba lwa Enabing'eng'e ahambi nende Enambacha, khwaliho nende Okukhofwa. Khwali nende okwanu? Mwamanya okukhofwa? Okukhofwa okwo kwali okumali titititi nende olukhola olulafu chwechwechwechwe mu’kosi. Enyanga ndala, omumwi kw'esisanya nikwaakha, Okukhofwa okwo kwali nende enjala endulu po. Kwapurukha purrr nikuyiima esiokhulia. Ekhabi endayi, kwanyola omuwaasu kwa enjumbu ya engokho. Okukhofwa okwo kwakhina nikwemba: Ese nakhayiima Samwene, nakhanyola enyama Enjumbu yino esinama Enjia okhulia owusuma Nyasaye, ewe niwunyima Abandi nabo basiima. Okukhofwa okwo kwaluma omunwa mu'muwaasu, kwamala kwakinga esinama esio khu’munwa. Nende owusangafu mumwoyo, kwachia kwakwa khumusaala nikukingire enjumbu eyo. Awene nende awene, Esiwulukhu esimali esiali nisibicha nisichia ewukhwe wasio mu'lubangachi Ewutieri mubikulu ahambi nende Enambacha siawona Okukhofwa okwo nikwichabikhire khulusaka lwa omusaala omu